昨日去左 Kinetics Medical & Health Group 毅力醫護健康集團 打Hib同食口服輪狀病毒。
用左新既車墊，用家應該都幾鍾意。
去到見醫生，醫生同我地講解食完同打完針會有d咩要注意，Jasmine 就以爲醫生同佢講野，係咁對住醫生笑，到食輪狀病毒果陣好似發現同平時飲既奶奶唔同味，個樣有d疑惑，不過都冇乜野，到醫生幫佢消毒腳仔，佢就好似記得十日前打針情景咁，即刻爆喊，枝針都未針落去已經喊定先，好彩打完針都好快收聲，醫生仲用玩具同佢玩一陣。
第一次去Kinetics 打針，感覺唔錯，唔洗等好耐就可以打針，絕對啱晒我同Jasmine 爸B，因為我地都唔鍾意等。
其實揀Kinetics 原因係因為佢唔係兒科診所，唔會好多病左既小朋友去睇醫生，咁就冇咁容易被傳染。其次係佢有哂我想打既針，而且價錢又實惠。
我開頭都好猶豫好唔好打5合1或6合1嘅針，等佢可以打少幾針，不過有親人話多合一針始終會有壞處，所以我就卻步左，寧願打晒健康院啲針再加針。
打完針就祈求佢唔會發燒同埋好扭計啦！
#Kinetics #打針 #Hib #口服輪狀病毒
Search